सर्वोच्च अदालतमा ११ दिन बन्दी प्रत्यक्षीकरण मुद्दामा मात्रै सुनुवाइ हुने

काठमाडौं । सर्वोच्च अदालतमा घटस्थापनादेखि ११ दिन बन्दी प्रत्यक्षीकरण रिटमा मात्रै सुनुवाइ हुने भएको छ । देशभरका अदालत घटस्थापनादेखि आउँदो कात्तिक ११ गतेसम्म बन्द रहनेछ । सो अवधिमा अन्य मुद्दामा सुनुवाइ हुनेछैन ।

दसैं बिदाको १४ दिनमध्ये तीन दिन बन्दी प्रत्यक्षीकरण रिटमा पनि सुनुवाइ हुने छैन । कात्तिक ४ गते शनिबार, ७ गते विजया दशमी र कात्तिक ११ गते शनिबारको अदालत खुल्नेछैन । बाँकी ११ दिन भने बन्दीको रिट हेर्न सर्वोच्च अदालत न्यायाधीशको पालो तोकेको छ । जिल्ला अदालतमा पनि बन्दीका मुद्दा हेर्न पालो तोकिएको हुन्छ । उच्च अदालतमा भने बन्दीका मुद्दाको सुनुवाइ हुँदैन ।