‘विद्युत् क्षेत्रलाई करको दायरामा ल्याउनु अर्थतन्त्रको आधुनिकीकरण र दुरगामी कदम हो’

काठमाडौँ । अर्थमन्त्री डा. स्वर्णिम वाग्लेले मुलुकको अर्थतन्त्रलाई औपचारिक र आधुनिकीकरणतर्फ लैजान विद्युत् क्षेत्रलाई करको दायरामा ल्याउनु आवश्यक रहेको बताएका छन्।

शुक्रबार संघीय संसद्को प्रतिनिधि सभा बैठकमा बोल्दै अर्थमन्त्री डा. वाग्लेले यस्तो बताएका हुन्। उनले राज्यले खर्बौँ लगानी गरेको र दशकौँसम्म कर छुट दिएर हुर्किएको जलविद्युत् क्षेत्रलाई अब कर प्रणालीमा जोड्ने बेला आएकाले वर्तमान सरकारले साहस गरेको बताए।