बाढीले थुपारेको भग्नावशेष हटाउन ९४ अर्ब ४१ करोड लाग्ने

काठमाडौँ। भोटेकोशी बाढीले थुपारेको ढुङ्गा, माटो, बालुवा र भवनका भग्नावशेष हटाउन तथा पुनःस्थापनाका लागि रु ९५ अर्ब ४२ करोड खर्च लाग्ने अनुमान गरिएको छ। राष्ट्रिय योजना आयोग र राष्ट्रिय विपद् जोखिम न्यूनीकरण तथा व्यवस्थापन प्राधिकरणले तयार पारेको ‘द्रुत क्षति र आवश्यक मूल्याङ्कन (आरडिएनए) प्रतिवेदन’ मा तत्काल र दीर्घकालीन पुनःस्थापनाका लागि उक्त अवाञ्छित संरचना हटाउन तथा अन्य पुनर्निर्माणमा सो रकम खर्च हुने उल्लेख गरिएको छ।

प्रतिवेदनअनुसार बाढीका कारण करिब रु ४८ अर्ब २४ करोडबराबरका भत्किएका भवनका संरचना तथा दुई अर्बको माटोको थुप्रो थुप्रिएको छ, जसलाई हटाउन मात्रै रु ३० करोडभन्दा बढी खर्च लाग्ने आकलन गरिएको छ। यसैगरी, विपद् जोखिम न्यूनीकरणका लागि तत्काल रु ३५ करोड र दीर्घकालका लागि रु ९४ करोड ४० लाख गरी कुल रु ९४ करोड ७५ लाख खर्च हुने देखिएको छ। यसमा जलमार्गका भग्नावशेष हटाउने, नदी व्यवस्थापन, बस्ती संरक्षण, पहिरो नियन्त्रण, सिँचाइ प्रणाली पुनःस्थापना तथा बहुविपद् पूर्वसूचना प्रणालीको विकासलगायतका कामहरू समेटिएका छन्।