यूरोपेली हस्ती स्वीडेन र नेदरल्यान्ड्स भिड्दै

ह्युस्टन । स्विडेनले विश्वकपमा शनिबार हुने समूह ‘एफ’ को खेलमा नेदरल्यान्ड्सको सामना गर्दै छ। यो हुनेछ, आत्मविश्वासी टिमविरुद्ध निरास प्रतिद्वन्द्वीको भिडन्त। स्विडेनले आफ्नो विश्वकप इतिहासमा ८८ वर्षयता सबैभन्दा उत्कृष्ट सुरुआत लिएको छ। यस क्रममा टोलीले ट्युनिसियालाई सजिलै ५–१ ले हराएको थियो।

नेदरल्यान्ड्सले भने जापानसँग २–२ को बराबरी खेलेको थियो। डच टोलीले त्यस खेलमा दुईपल्ट अग्रता लिएर पनि त्यसलाई कायम राख्न सकेको थिएन। स्विडेन युरोपेली छनोटमा त्यस्तो टिम रहेको थियो, जसले प्लेअफको बाटो तय गर्नुपरेको थियो। त्यसैले पहिलो खेलको जित स्विडेनका लागि ठूलो राहतका रूपमा आएको छ।