भोटेकोशी बाढीपछि पर्यटनलाई पुरानै लयमा फर्काउन पहल

भोटेकोशी बाढीबाट प्रभावित क्षेत्रप्रति ऐक्यबद्धता जनाउँदै नेपालका सुरक्षित र खुला पर्यटकीय क्षेत्रमा पर्यटक बोलाएर पर्यटनलाई पुरानै लयमा फर्काउन पहल थालिएको छ।

अन्तर्राष्ट्रिय सम्बन्ध तथा पर्यटन समितिकी अध्यक्ष सुम्निमा उदासले नेपालका धेरै पर्यटकीय क्षेत्र खुला रहेको र पर्यटकलाई स्वागत गर्न तयार रहेको बताएकी छन्। उनले बाढीबाट ठुलो मानवीय र भौतिक क्षति भएको भन्दै प्रभावित समुदायसँगै पर्यटनमा निर्भर लाखौं मानिसको रोजगारी र आम्दानी जोगाउन पनि ध्यान दिनुपर्ने बताइन्।