जग्गा विवादमा हत्या गरेर २० वर्षदेखि फरार अभियुक्त जेल चलान

बारा । बारामा २० वर्षअघि जग्गा विवादका कारण एक पुरुषको घाँटी रेटी हत्या गरेर फरार भएका अभियुक्तलाई अदालतको आदेशले पुर्पक्षका लागि कारागार चलान गरिएको छ।

जिल्ला प्रहरी कार्यालय बाराका अनुसार २०६२ साल असोज ३ गते भएको हत्याकाण्डका मुख्य अभियुक्त बाराको प्रसौनी गाउँपालिका–१ बस्ने दुखी राउत बरैका ४८ वर्षीय छोरा श्यामबाबु प्रसाद चौरसियालाई जेल चलान गरिएको हो।