टेलिकमका प्रबन्ध निर्देशक नियुक्ति प्रक्रियामा अदालतको कारण देखाउ आदेश

काठमाडौं । नेपाल दूरसञ्चार कम्पनी लिमिटेड(नेपाल टेलिकम) को प्रबन्ध निर्देशक नियुक्ति प्रक्रियामा सर्वोच्च अदालतले कारण देखाउ आदेश जारी गरेको छ । यो सँगै टेलिकममा नयाँ प्रबन्ध निर्देशक भित्र्याउने प्रक्रियामा अलमल हुने देखिएको छ ।

टेलिकमका पूर्व कर्मचारी डा. राजेन्द्र कुमार पोख्रेलले पुस २ गते नेपाल सरकार, प्रधानमन्त्री तथा मन्त्रिपरिषद् कार्यालयलाई विपक्षी बनाई उच्च अदालत पाटनमा दायर मुद्दामा सर्वोच्च अदालतले कारण देखाउ आदेश जारी गरेको हो । साथै ‘नेपाल दूरसञ्चार कम्पनी लिमिटेडको प्रबन्ध निर्देशकको नियुक्ति र सेवा सुविधासम्बन्धी निर्देशिका, २०७८’ कार्यान्वयन नगर्न अन्तरिम आदेश जारी गरिएको छ ।