दुई दशकपछि पूर्वमन्त्री गोविन्दराज जोशीको भ्रष्टाचार मुद्दा टुंगियो

काठमाडौं । सर्वोच्च अदालतले पूर्वमन्त्री गोविन्दराज जोशीलाई भ्रष्टाचार मुद्दामा दोषी ठहर गरेको छ । सर्वोच्चका न्यायाधीश विनोद शर्मा र बालकृष्ण ढकालको संयुक्त इजलासले विशेष अदालतले गरेको फैसलालाई केही उल्टाएर सजाय र जरिमाना घटाउने फैसला गरेको हो ।

जोशीलाई भ्रष्टाचार मुद्दामा दोषी ठहर गर्दै ६९ लाख १५ हजार जरिमाना र ९ महिना कैदको सजाय सुनाइएको हो । यसअघि विशेष अदालतले २ करोड १६ लाख १४ हजार ३ सय ७६ रुपैयाँ भ्रष्टाचार गरी कमाएको ठहर गरी बिगो र जरिमानाले हुने यसको दोब्बर रकम असुल्नुपर्ने र डेढ वर्ष कैद सजाय हुने फैसला गरेको थियो ।