ट्राफिक चेकिङ्गको क्रममा गठ्ठाघरमा स्कुटर चालक पुरुषको मृत्यु

काठमाडौं । काठमाडौंबाट भक्तपुरतर्फ गइरहेको स्कुटरलाई बिहीबार दिउँसो पौने २ बजेतिर गठाघरमा चेकिङ्ग गर्ने क्रममा ट्रकले ठक्कर दिएको छ ।

मालबाहक ट्रकले ठक्कर दिंदा अन्दाजी ४०–४५ वर्षका एक पुरुषको मृत्यु भएको भक्तपुर प्रहरीले पुष्टि गरेको छ । विहिवार अबेरसम्म पनि महिलाको मृत्यु भएको भनेर हल्ला भएता पनि मृतक पुरुष भएको पुष्टि भएको हो । मृतकबाट उत्तम कोइराला नामको लाइसेन्स फेला परेको प्रहरीले जनाएको छ । यद्यपि मृतकको पहिचान भने खुल्न सकेको छैन ।