नेपालमा हालसम्म १०४ वटा विमान दुर्घटना, यस्ताे हवाई दुर्घटनाको इतिहास

काठमाडाैँ । हालसम्म मुलुकमा आन्तरिक र अन्तर्राष्ट्रिय गरी १०४ वटा विमान दुर्घटना भएका छन् । यी दुर्घटनामा नौ सयभन्दा बढी जनाकाे मृत्यु भएको रहेकाे नेपाल नागरिक उड्डयन प्राधिकरणका प्रवक्ता जगन्नाथ निरौलाले जानकारी दिनुभयाे । उहाँका अनुसार मानवीय क्षतिको हिसाबले पोखरामा भएकाे यती एयरलाइन्सको विमान दुर्घटना आन्तरिक उडानतर्फको सबैभन्दा ठूलो हाे ।

तुलनात्मकरूपमा सुरक्षित भनिने एटिआर सिरिजका विमान दुर्घटना पर्नु आफैँमा दुर्भाग्य भएको वायुसेवा सञ्चालक सङ्घका प्रतिनिधि एवं सीता एयरका आधिकारिक व्यवस्थापक घनश्यामराज आचार्यको भनाइ छ ।