नसालु पदार्थ सेवन गराई सुनका गहना चोरी, दुई जना पक्राउ

काठमाडौँ। रामेछापमा नसालु पदार्थ सेवन गराई महिलालाई बेहोस बनाएर सुनका गहना चोरी गरेको आरोपमा प्रहरीले दुई जनालाई पक्राउ गरेको छ। चोरी भएको सुनको गहना खरिद गरेको आरोपमा एक सुन पसल सञ्चालकसमेत पक्राउ परेका छन्।

जिल्ला प्रहरी कार्यालय रामेछापका अनुसार मन्थली नगरपालिका–६, नौरीकी ५४ वर्षीया विभा माझीलाई गत भदौ २४ गते दिउँसो अपरिचित महिलाले नसालु पदार्थ सेवन गराई बेहोस बनाएको प्रारम्भिक अनुसन्धानबाट खुलेको छ। बेहोस भएपछि उनको कानमा लगाएको सक्कली सुनको बेरुवा रिङ निकालेर त्यसको सट्टा नक्कली गहना लगाई आरोपित महिला फरार भएको प्रहरीले जनाएको छ।