किस्पाङ गाउँपालिकाका अध्यक्षलाई धरौटीमा छोड्न आदेश, पुनः पक्राउको तयारी

काठमाडौं । हिजो सिंहदरबारबाट पक्राउ परेका नुवाकोट, किस्पाङ गाउँपालिकाका अध्यक्ष वीरबल तामाङलाई आज काठमाडौं जिल्ला अदालतले ४० हजार धरौटीमा छोड्न आदेश दिएको छ । तर, उनी पुनः अन्य मुद्दाको अनुसन्धानका लागि प्रहरी हिरासतमै लगिँदैछन् ।

प्रहरी वृत्त दरबारमार्गमा दर्ता भएको जाहेरीका आधारमा उनी सोमबार पक्राउ परेका थिए । त्यहाँ उनीविरुद्ध ५ लाख २५ हजार रुपैयाँको बाउन्स चेकसम्बन्धी मुद्दामा अरुण अर्यालले जाहेरी दिएका थिए ।