एमालेमा कार्यविभाजनमा व्यापक असन्तुष्टि, नेताहरू भन्छन्– फरक मतलाई पजनी गरियो

नेकपा एमालेमा कार्य विभाजनलाई लिएर संस्थापन इतर नेताहरू असन्तुष्ट भएका छन्। गत जेठ ४ देखि १० गतेसम्म चार दिन चलेको सचिवालय बैठकले १९ सचिवालय र २९९ सदस्यीय केन्द्रीय कमिटीको कार्यविभाजन गरेको थियो।

अध्यक्ष केपी शर्मा ओलीले एक खालको कार्य विभाजन गरेर बैठकमा प्रस्तुत गरेका थिए। सचिवालय सदस्यहरूले फरक मत नसमेटिएको भन्दै असन्तोष प्रकट गरेपछि सचिवालय बैठकले उपाध्यक्ष विष्णु पौडेल र महासचिव शंकर पोखरेललाई अध्यक्ष ओलीसँग थप परामर्श गरी अन्तिम रूप दिने जिम्मा दिए पनि गत महाधिवेशनमा फरक कित्तामा उभिएर उम्मेदवारी दिनेहरूलाई 'पजनी' गरिएको नेता कर्ण थापाले जानकारी दिए।