ईभी दुर्घटना बढ्दै गएपछि चालक र लाइसेन्स प्रणाली सुधार्न पुकार बमको माग

काठमाडौँ। राष्ट्रिय स्वतन्त्र पार्टी (रास्वपा) का सांसद पुकार बमले पछिल्लो समय देखिएका विद्युतीय सवारीसाधन (ईभी) दुर्घटनाहरूको विषयलाई केवल गाडीको कमजोरीमा मात्र सीमित नराखी समग्र सडक सुरक्षा प्रणालीसँग जोडेर गम्भीर रूपमा हेर्नुपर्ने बताएका छन्।

बुधवार प्रतिनिधि सभाको बैठकमा विशेष समय लिएर बोल्दै सांसद बमले हालै मकवानपुरको इन्द्रसरोवर गाउँपालिका–२ खानीखोलामा भएको दुःखद सवारी दुर्घटनामा ज्यान गुमाएका सुरज भट्टराई, नरबहादुर सिंह ठकुरी, भुनेश्वर साह कानु र सरफरोस मियाँप्रति हार्दिक श्रद्धाञ्जली अर्पण गर्दै सम्पूर्ण घाइतेहरूको शीघ्र स्वास्थ्यलाभको कामना गरेका छन्।