भोटेकोशी बाढीले बगाएर ल्याएको सेफ फोडेर पैसा चोरेको आरोपमा २९ जना पक्राउ

धादिङ । रसुवाको भोटेकोशी नदीमा आएको बाढीले बगाएर ल्याएको सेफ फेला पारी तोडफोड गरेर त्यसमा रहेको नगद चोरी गरेको आरोपमा प्रहरीले २९ जनालाई नियन्त्रणमा लिएको छ ।

जिल्ला प्रहरी कार्यालय धादिङका अनुसार बाढीले बगाएर ल्याएको उक्त सेफ गल्छी गाउँपालिका-४, बेल्खुबोला क्षेत्रमा त्रिशूली नदीको किनारमा फेला परेको थियो । स्थानीय केही व्यक्तिले सेफ तोडफोड गरी भित्र रहेको रकम चोरी गरेको भन्ने सूचना पाएपछि प्रहरीले अनुसन्धान अघि बढाएको थियो ।