सार्वजनिक यात्री सवारीसाधनको दर्ता खुल्यो, विद्युतीय सवारीलाई प्राथमिकता

काठमाडौं – यातायात व्यवस्था विभागले सार्वजनिक यात्रीवाहक सवारीसाधनको दर्ता खुलाउने निर्णय गरेको छ । विभागले सवारीसाधनको संख्या र मार्ग व्यवस्थापनलाई व्यवस्थित गर्ने उद्देश्यले निश्चित सीमाभित्र रहेर दर्ता खुलाउने भएको हो ।

विभागले भदौ ३० गते सातवटै प्रदेशका पूर्वाधारसम्बन्धी मन्त्रालयलाई पत्र पठाउँदै काठमाडौं उपत्यकाभित्र मार्ग तथा सवारीसाधन व्यवस्थापनका लागि असोज १ गतेदेखि सार्वजनिक यात्रीवाहक सवारीसाधनको दर्ता खोल्ने जानकारी गराएको हो ।