ब्राजिलविरुद्धको खेलमा सकारात्मक इतिहास रच्ने दाउमा स्कटल्यान्ड !

बुधबार अमेरिकाकाे मायामीमा हुने ब्राजिलविरुद्धको खेलमा सकारात्मक नतिजा निकाल्दै स्कटल्यान्ड पहिलो पटक विश्वकपको अन्तिम ३२ मा पुग्ने रणनीतिका साथ प्रशिक्षक स्टिभ क्लार्कको टोली मैदान उत्रँदै छ।

स्कटल्यान्डले यसअघि नै हाइटीलाई १-० ले पराजित गरेर ३ अंक जोडिसकेको छ। हाल तेस्रो स्थानमा रहने उत्कृष्ट टोलीहरूको तालिकामा स्कटल्यान्ड बलियो स्थितिमा छ। डेनिस ल र केनी डाल्ग्लिस जस्ता महान् स्कटिस खेलाडीहरूले समेत कहिल्यै टोलीलाई विश्वकपको समूह चरण पार गराउन सकेका थिएनन्। सन् १९७४ को टोली त अपराजित रहेर पनि समूह चरणबाटै बाहिरिएको थियो। त्यसैले यो खेल स्कटल्यान्डका लागि दशकौँ पुरानो इतिहास बदल्ने अवसर हो।