पोखरामा शौचालयको च्याम्बरमा नवजात शिशुको शव, १९ वर्षीया महिला पक्राउ

काठमाडौं – कास्कीको पोखरामा शौचालयको च्याम्बरमा सालनालसहित मृत नवजात शिशु फेला परेको घटनामा संलग्न रहेको आरोपमा प्रहरीले १९ वर्षीया महिलालाई पक्राउ गरेको छ ।

पोखरा महानगरपालिका–६ लेकसाइडस्थित स्ट्रिट नम्बर ८ को भित्री गल्लीमा रहेको एक टहराको शौचालयको च्याम्बरमा गत कात्तिक ३ गते साँझ पुरुष नवजात शिशुको शव फेला परेको थियो । शौचालय जाम भएर पानी बाहिर ननिस्किएपछि घरधनी तोडबहादुर थापाले च्याम्बर खोलेर हेर्दा शिशुको शव देखेपछि प्रहरीलाई खबर गरेका थिए ।