लागूऔषध बरामदको भिडियो तोडमोड गरी भ्रम फैलाइएको सशस्त्र प्रहरीको दाबी

सुनसरीमा मोटरसाइकलबाट लागूऔषध बरामद गरिएको घटनालाई लिएर सामाजिक सञ्जालमा सुरक्षाकर्मीलाई दोषी देखाउने गरी भ्रामक प्रचार गरिएको सशस्त्र प्रहरी बल नेपालले दाबी गरेको छ । बरामद गरिएको लागूऔषधको भिडियो गलत व्याख्यासहित सार्वजनिक गरेर सुरक्षाकर्मीको कार्यसम्पादनमाथि प्रश्न उठाउने र आम नागरिकमा भ्रम सिर्जना गर्ने प्रयास भएको सशस्त्र प्रहरी बलका सहप्रवक्ता डिएसपी शैलेन्द्र थापाको भनाइ छ ।

सशस्त्र प्रहरी बल नेपाल नं. ४ गण सुनसरीबाट खटिएको टोलीले विशेष सूचनाका आधारमा गत कात्तिक ४ गते दिउँसो सुनसरीको भोक्राहा नरसिंह गाउँपालिका–४ स्थित नहर चोकनजिकबाट लागूऔषधसहितको मोटरसाइकल नियन्त्रणमा लिएको थियो ।