भन्सार छलीका सामानसहित तीन जना पक्राउ

काठमाडौं – सुनसरीको धरानमा भन्सार छली गरी ल्याइएका किराना तथा खाद्यान्न सामग्रीसहित तीन जना पक्राउ परेका छन्। प्रहरीले उनीहरूका साथबाट करिब नौ लाख ८२ हजार रुपैयाँभन्दा बढी मूल्यका सामान बरामद गरेको जनाएको छ ।

इटहरीबाट धरानतर्फ आउँदै गरेको को २ ख १६१८ नम्बरको मिनी ट्रक जाँच गर्ने क्रममा भन्सार छली गरी ल्याइएका सामान फेला परेका थिए । इलाका प्रहरी कार्यालय धरान र अस्थायी प्रहरी चौकी तीनकुनेबाट संयुक्त रूपमा खटिएको प्रहरी टोलीले ट्रक जाँच गर्ने क्रममा सामानसहित तीन जनालाई पक्राउ गरेको हो ।