भ्रष्टको शासन हटाउँछु भन्थे, भयको शासन चलाउन थाले

१५ कात्तिक, काठमाडौं । प्रहरीले पत्रकार उठाएर लगिसक्दा पनि सरकारलाई ‘थाहा’ हुँदैन । मिडियाका गेटमा गाडी तेर्स्याउँदा पनि सरकारलाई ‘थाहा’ हुँदैन । तर नेपाल राज्यको सरहदभित्र, अझ राजधानी काठमाडौंमा यस्ता घटना कसले गरायो भन्ने खोजीसमेत गृहमन्त्रालयले गरेको छैन ।

यस्तै प्रकरण दोहोरियो, शुक्रबार । पत्रकारहरू धरपकड भए । सत्तासँग जोडिएको ठूलो पंक्ति चुप बस्यो । रास्वपाका केही सांसद बोले, पार्टी पनि बोल्यो । सभापति रवि लामिछानेले संविधान र लोकतन्त्रभन्दा माथि कोही माइकलाल नभएको ठूलै चेतावनी दिए ।