स्याङ्जामा ट्याक्टर दुर्घटना हुँदा २ जनाको मृत्यु

स्याङ्जा । स्याङ्जाको वालिङ नगरपालिका–९ वालिङ–हुवास भित्री सडकखण्डमा आइतबार साँझ ट्याक्टर दुर्घटना हुँदा २ जनाको मृत्यु भएको छ । हुवासबाट वालिङतर्फ आउँदै गरेको ग १ त ५७६९ नम्बरको ट्याक्टर साँझ करिब ६ः५० बजे सडकको बायाँ किनारामा पल्टिएर दुर्घटनामा परेको हाे।

दुर्घटनामा ट्याक्टरमा सवार पाँच जना घाइते भएका मध्ये वालिङ नगरपालिका–१० निवासी ६१ वर्षीय नन्दलाल बुढामगर (नन्दु) लाई उपचारका क्रममा साँझ ७ः३५ बजे र पर्वत घर भई हाल वालिङ १० बस्ने ४३ बर्षिय प्रेम राना मगरकाे उपचारकै क्रममा । चिकित्सकले मृत घोषणा गरेकाे जिल्ला प्रहरी कार्यालय, स्याङ्जाका सूचना अधिकारी रमेश दत्त अवस्थी जानकारी दिए ।