फेरि विवादमा तानिए सशस्त्रका डीआईजी श्रेष्ठ

काठमाडौं । सशस्त्र प्रहरी बल नेपाल र सशस्त्र सीमा बल (एसएसबी) भारतबीच सीमा सुरक्षा तथा व्यवस्थापन, सीमा अपराध नियन्त्रण तथा दुई देशका सीमावर्ती सुरक्षा निकायबीच आपसी समन्वय र सहकार्य अभिवृद्धि गर्ने उद्देश्यले हालै काठमाडौंमा सम्पन्न १०औँ द्विपक्षीय समन्वय बैठकको भिडियो र तस्बिर आफूखुशी सामाजिक सञ्जालमा राखेपछि सशस्त्र प्रहरी नायव महानिरीक्षक (डीआईजी) सुरेशकुमार श्रेष्ठ विवादमा तानिएका छन् ।

१०औँ समन्वय बैठक ११ कात्तिकमा सुरु भई १३ कात्तिकमा समापन भएको थियो । बैठकको तेतृत्व नेपालका तर्फबाट सशस्त्र प्रहरी महानिरीक्षक नारायणदत्त पौडेल र भारतको तर्फबाट सशस्त्र सीमा बलका महानिर्देशक सञ्जय सिंघलले गरेका थिए ।