डिडिसी घाेटाला: किसानको १२ करोड कर्मचारीका खातामा

गत जेठ ७ गते नेपाल प्रहरीको केन्द्रीय अनुसन्धान ब्युरो (सिआइबी) मा एउटा उजुरी आयो। उजुरीमा उल्लेख थियो– दुग्ध विकास संस्थान (डिडिसी) बिक्री हुने दुधको रकम किसानको खातामा होइन, कर्मचारीको खातामा गइरहेको छ। यही सूचनाका आधारमा सिआइबीले गरेको अनुसन्धानपछि तत्कालीन महाप्रबन्धक सञ्जीव झासहितले १२ करोडभन्दा बढी रकम घोटाला गरेको खुलेको छ।

किसानका फार्मबाटै कर्मचारीका नाममा रकम बुझेको अनुसन्धानबाट खुलेपछि सिआइबीले झासहित आठ जनालाई पक्राउ गरेको थियोे। जेठ ७ गते आएको उजुरीका आधारमा सिआइबीले जेठ १३ गते डिडिसीको केन्द्रीय कार्यालय लैनचौर र काठमाडौं दुग्ध कार्यालय बालाजुमा छापा मारेर सबै कागजात नियन्त्रणमा लिएको थियो।