बेलकाबाट ७८ क्विन्टलभन्दा बढी गाँजा बरामद

उदयपुरमा अहिलेसम्मकै ठूलो परिमाणमा गाँजा बरामद भएको छ। सशस्त्र प्रहरी बलले जिल्लाको बेलका नगरपालिका–८ बाट ७ हजार ८२६ किलो गाँजा नियन्त्रणमा लिएको हो। बरामद गाँजाको परिमाण ७८ क्विन्टलभन्दा बढी छ।

सशस्त्र प्रहरी बलको इन्टेलिजेन्स ब्युरोले प्राप्त गरेको विशेष सूचनाका आधारमा आइतबार राति उक्त गाँजा बरामद गरिएको हो। बेलका नगरपालिका–८ दिवाजोरस्थित मैनामैनी–कोशी पुल खण्डको भित्री सडकमा शंकास्पद अवस्थामा रहेको ट्रक जाँच गर्ने क्रममा गाँजा फेला परेको सशस्त्र प्रहरीले जनाएको छ।