रूपन्देहीमा महिलाको हत्या गरी सुनका गहना लुटपाट, चार जना पक्राउ

बुटवल । रूपन्देहीको कोटहीमाई गाउँपालिकामा एक महिलाको निर्मम हत्या गरी कानमा लगाएको सुन लुटपाट गरेको घटनामा संलग्न रहेको आशंकामा प्रहरीले चार जनालाई पक्राउ गरेको छ।

कात्तिक १२ गते दिउँसो कोटहीमाई गाउँपालिका–६ र ७ को बीचमा पर्ने धानखेतमा स्थानीय ४१ वर्षीया जुबेदा खातुन धोबी मृत अवस्थामा फेला परेकी थिइन्। छोट्की मजगाँव निवासी धोबीको टाउकोमा कोदालोको बिँडले प्रहार गरिएको र घाँटीमा हँसियाले प्रहार गरी हत्या गरिएको प्रारम्भिक अनुसन्धानबाट खुलेको छ। हत्यापछि उनको कानमा रहेका सुनका गहना समेत लुटेर लगिएको थियो।