राज्य व्यवस्था समिति बैठक बोलाउन सभापतिलाई शाहीको आग्रह, प्रहरी–सरकारबीचको तनावबारे छलफल गर्न माग

राष्ट्रिय प्रजातन्त्र पार्टी (राप्रपा) का सांसद तथा राज्य व्यवस्था तथा सुशासन समिति सदस्य ज्ञानेन्द्र शाहीले प्रहरी र सरकारबीच देखिएको तनावसहित पछिल्लो समय सार्वजनिक भएका विवादास्पद घटनाबारे छलफल गर्न समितिको बैठक तत्काल बोलाउन माग गरेका छन्।

शाहीले राज्य व्यवस्था तथा सुशासन समितिका सभापति हरि ढकाललाई पत्र लेख्दै नेपाल प्रहरीका महानिरीक्षक र सरकारबीच देखिएको तिक्तता, पत्रकार पक्राउ, राज्यशक्तिको दुरुपयोग तथा प्रधानमन्त्रीका सल्लाहकार कुमार बेनको निवासमा प्रहरी हिरासतमा रहेका व्यक्तिको मोबाइल फोन जफत गरिएको घटनाप्रति गम्भीर ध्यानाकर्षण गराएका हुन्।