खरेल प्रकरणको झल्को, अदालत जालान् त कार्की?

काठमाडौँ- बालेन सरकारले प्रहरी महानिरीक्षक (आईजीपी) दानबहादुर कार्कीलाई जिम्मेवारीबाट हटाएर प्रधानमन्त्रीको शान्ति सुरक्षा सल्लाहकार बनाएको छ। सरकारले यसलाई बर्खास्ती नभई जिम्मेवारी हेरफेर भने पनि व्यवहारतः कार्कीको आईजीपी पद खोसिएको छ। उनको स्थानमा मनोज केसीलाई नयाँ आईजीपी नियुक्त गरिएको छ।

सरकारको यो निर्णयले पुरानो एउटा घटना सम्झाएको छ। तत्कालीन प्रधानमन्त्री लोकेन्द्रबहादुर चन्द नेतृत्वको सरकारले २०५३ चैत २१ मा आईजीपी नियुक्त भएको ३६औँ दिनमै अच्युतकृष्ण खरेललाई जिम्मेवारीबाट हटाएर दरबन्दी नै नभएको राष्ट्रिय अनुसन्धान विभागको प्रमुख बनाएको थियो। उनको स्थानमा ध्रुवबहादुर प्रधानलाई आईजीपी नियुक्त गरिएको थियो।