गृहमन्त्रीको जोर चलेन : कार्की आउट केसी इन

मंगलबार बसेको बैठकमा नेपाल प्रहरीबारे कुनै चर्चा भएन। बैठक बुधबारका लागि फेरि बोलाइयो। उक्त बैठकमा गृह मन्त्रालयले कुनै प्रस्ताव पेस गर्ने योजना थिएन तर एकाएक सरकारले प्रहरी महानिरीक्षक दानबहादुर कार्कीलाई प्रधानमन्त्रीको सुरक्षा सल्लाहकारको जिम्मेवारी दिने निर्णय गरेको जानकारी बाहिर आयो।

गृह मन्त्रालय स्रोतका अनुसार कार्कीलाई जिम्मेवारीबाट हटाउनेबारे गृहमन्त्री सुधन गुरुङ आफैं जानकार थिएनन्। प्रधानमन्त्री सचिवालयबाट भने केही हल्ला आइरहेकै थियो। केही मन्त्रीले गृहमन्त्री गुरुङसमक्ष महानिरीक्षक हटाउन लागेको विषयमा चासो राख्दा उनीबाट स्पष्ट जवाफ नआएको स्रोतको दाबी छ।