लेकसाइडबाट एकैचोटि २१ जना मानिस र २७ सवारीसाधन नियन्त्रण

पोखरा । पोखराको प्रमुख पर्यटकीयस्थल लेकसाइडबाट गएराति एकैपटक २१ जना मानिस र २७ वटा सवारीसाधन नियन्त्रण लिइएको छ । पछिल्लो समय लेकसाइडमा झैंझगडा गर्ने, पोखरा घुम्न आउने पर्यटकलाई दुःख दिने, अनैतिक तथा अवाञ्छित गतिविधि भइसकेको जुनासोसँगै स्थानीयले प्रहरीसमक्ष गुनासो गरेका थिए ।

जसका कारण कास्की प्रहरीले नजिकिएको तिहार तथा छठ पर्वलाई सुरक्षित र सभ्य तवरले सम्पन्न गर्न ‘अपरेसन सभ्यता’ नामक प्रहरी विशेष अपरेसन संचालन गरेको हो । बुधबार राति १ देखि ५ बजेसम्म संचालन गरिएको उक्त अपरेसनमा लेकसाइडमा झण्डी बुर्जा खेलाउने, होहल्ला गर्ने, अवाञ्छित तथा अनैतिक क्रियाकलाप गर्ने २१ जना मानिसहरु पक्राउ परेका हुन् ।