नागरिकता किर्ते प्रकरणमा तीन कर्मचारी पक्राउ

स्याङ्जा।

सरकारी अभिलेखमा अनधिकृत हेरफेर गरी नागरिकता रद्द भएको देखाउने कागजात तयार पारेको आरोपमा स्याङ्जामा तीन कर्मचारी पक्राउ परेका छन् । जिल्ला प्रशासन कार्यालय स्याङ्जाले प्रमाणसहित अनुसन्धान र कारबाहीका लागि प्रहरीलाई पत्राचार गरेको झण्डै दुई महिनापछि उनीहरु पक्राउ परेका हुन् । पक्राउ पर्नेमा तत्कालीन प्रशासकीय अधिकृत सूर्यप्रसाद शर्मा पौडेल, लेखापाल रमेश विक र कम्प्युटर अपरेटर विष्णुप्रसाद चापागाईं रहेका छन् । उनीहरुलाई प्रहरीले कात्तिक १६ गते नियन्त्रणमा लिएको हो ।