घरेलु मदिराको बिक्री वितरणमा संलग्न नहुन अनुरोध

पर्सा । प्रहरीले अवैध घरेलु मदिरा उत्पादन गर्ने भट्टी नष्ट गरेको छ । वीरगन्ज महानगरपालिका–१५ भिष्वाडाँडामा सञ्चालित अवैध घरेलु मदिरा उत्पादन गर्ने भट्टी आज नष्ट गरिएको हो ।

जिल्ला प्रहरी कार्यालयबाट खटिएको प्रहरी टोलीले मदिरा बनाउने कच्चा पदार्थ १३०० लिटर र तयारी मदिरा ३५० लिटर फेला पारेको थियो । मानवीय स्वास्थ्यको हिसाबले हानिकारक घरेलु मदिराको उत्पादन, बिक्री वितरण र ओसार पसारमा संलग्न नहुन प्रहरीले अनुरोध गरेको छ ।