सिरहामा ८३ किलोभन्दा बढी गाँजासहित एक जना पक्राउ

जनकपुरधाम । सिरहाको भगवानपुर गाउँपालिकाबाट ८३ किलोभन्दा बढी गाँजासहित एक जना पक्राउ परेका छन् । पक्राउ पर्नेमा भगवानपुर गाउँपालिका–४ कल्याणपुर टोलका ५५ वर्षीय देवशरण यादव रहेका छन् ।

जिल्ला प्रहरी कार्यालय सिरहाका अनुसार आज बिहान करिब ३ः३० बजे भगवानपुर गाउँपालिका–४ स्थित बलान खोलामा केही व्यक्ति टाउकोमा पोका बोकेर आउँदै गरेको सूचना प्राप्त भएको थियो ।