वीरगञ्जमा भारतीय कारभित्र चार थान पेस्तोल बरामद

वीरगञ्ज – पर्साको वीरगञ्ज महानगरपालिका–१५ बास्तुबिहार चोकमा सशस्त्र प्रहरीले बेवारिसे अवस्थामा भेटिएको एउटा भारतीय कारबाट चार थान पेस्तोल र ६ वटा गोली बरामद गरेको छ।

सशस्त्र प्रहरी बल, नेपाल नम्बर १३ गण पर्साको मोबाइल टोलीले शङ्कास्पद रूपमा रोकिराखेको युपी १६ एजे ३३०१ नम्बरको भारतीय कार चेकजाँच गर्दा बोराभित्र लुकाइराखेको अवस्थामा हातहतियार फेला पारेको हो।