सशस्त्रका ४ एसपीमाथि मुख्यालयको ‘एक्सन’

काठमाडौं । सशस्त्र प्रहरी मुख्यालयले तराई क्षेत्रमा कार्यरत चार जना प्रमुखलाई छानबिनका लागि सशस्त्र प्रहरी मुख्यालय झिकाएको छ । मुख्यालय झिकाइएकामा नम्बर ३ गण मोरङका गणपति सशस्त्र प्रहरी उपरीक्षक (एसपी) विश्व खड्का, नम्बर ८ गण धनुषाका गणपति दर्शन गिरी, नम्बर १२ गण बाराका गणपति सन्तोषबहादुर सिंह र नम्बर ३० गण बाँकेका गणपति विमल डाँगी छन् ।

धनुषाका गिरीलाई एक साताअघि गत बिहीबार मुख्यालय तानेर छानबिन थालिएकामा मोरङका खड्का, बाराका सिंह र बाँकेका डाँगीलाई सोमबार मात्र मुख्यालय झिकाइएको हो ।