बूढानीलकण्ठमा ‘ग्याङ्ग’ बनाएर कुटपिट गरेको आरोपमा चार जना पक्राउ

काठमाडौं । बूढानीलकण्ठमा एक व्यक्तिमाथि समूह बनाएर कुटपिट गरी फरार भएको आरोपमा प्रहरीले चार जनालाई पक्राउ गरेको छ।

गत भदौ ३० गते राति करिब साढे ९ बजे बूढानीलकण्ठ नगरपालिका–२ गाम्चा पिपलबोटस्थित सडकमा अपरिचित व्यक्तिहरूको समूहले एक जनामाथि कुटपिट गरेको थियो। घटनामा घाइते भएका व्यक्तिले जिल्ला प्रहरी परिसर काठमाडौंमा जाहेरी दिएपछि प्रहरीले अनुसन्धान अघि बढाएको थियो।