लागुऔषध मुद्दाका फरार प्रतिवादी सिरहामा पक्राउ

सिरहा। जेनजी आन्दोलनका क्रममा जिल्ला प्रहरी परिसर काठमाडौँबाट फरार रहेका लागुऔषध मुद्दाका एक प्रतिवादीलाई सिरहा प्रहरीले पक्राउ गरेको छ।

पक्राउ पर्नेमा सिरहाको अर्नमा गाउँपालिका–२, ब्रह्मपुरीका २३ वर्षीय धिरजकुमार महतो रहेका छन्। उनलाई इलाका प्रहरी कार्यालय अर्नमा र लागुऔषध नियन्त्रण ब्युरो गोलबजारबाट खटिएको संयुक्त प्रहरी टोलीले शुक्रबार साँझ घरबाटै पक्राउ गरेको हो।