स्मार्ट टेलिकमको सम्पत्ति लिलामी प्रकरणमा सिइओ पक्राउ परेपछि एनआइएमबी बैंकले भन्यो 'कानुन अनुसार नै लिलाम गरेका हौँ'

काठमाडौं : सरकारी सम्पत्तिलाई धितो मानेर लिलाम गरेको आरोपमा सिइओ ज्योति प्रकाश पाण्डे पक्राउ परेपछि नेपाल इन्भेस्टमेन्ट मेगा बैंकले कानुनले दिएको अधिकार अनुसार नै स्मार्ट टेलिकमको धितो लिलाम गरिएको दाबी गरेको छ।

नेपाल प्रहरीको केन्द्रीय अनुसन्धान ब्युरो (सिआइबी) ले मंगलबार बेलुका बैंकका प्रमुख कार्यकारी अधिकृत पाण्डेलाई पक्राउ गरेको थियो। यस अगाडि नै यही घटनामा तीन जना प्रहरी हिरासतमा छन्। पाण्डे पक्राउ परेपछि बैंकले विज्ञप्ति जारी गर्दै बैंक तथा वित्तीय संस्था ऐन, २०७३ तथा सुरक्षित कारोबार ऐन, २०६३ ले दिएको अधिकार अनुसार कर्जा असुली प्रक्रियाअन्तर्गत स्मार्ट टेलिकमको सम्पत्ति लिलाम बिक्री गरेको उल्लेख गरेको छ।