उद्धार गरिएकी बालिका बुवाआमासँग जान नमानेपछि फेरि महानगरकै जिम्मामा

काठमाडौँ महानगरपालिकाद्वारा उद्धार गरिएकी बालिका सर्वोच्च अदालतको आदेशका बाबजुद बुवाआमासँग जान नमानेपछि फेरि महानगरलाई नै जिम्मा लगाइएको छ।

सर्वोच्च अदालतका न्यायाधीशत्रय सपना प्रधान मल्ल, नहकुल सुवेदी र टेकप्रसाद ढुंगानाको पूर्ण इजलासले शुक्रबार ती बालिकालाई बुवाआमाले ससर्त जिम्मा लिन पाउने आदेश गरेको थियो। यसलगत्तै सर्वोच्चका रजिस्ट्रार विमल पौडेलको रोहबरमा शुक्रबार महानगरका प्रतिनिधिले ती बालिका बुवाआमालाई सुम्पेका थिए।