सप्तरीबाट १४ सय किलो गाँजासहित एक जना पक्राउ

सप्तरी- सप्तरीबाट प्रहरीले करिब १४ सय किलो लागुऔषध गाँजासहित एक जनालाई पक्राउ गरेको छ।

डाक्नेश्वरी नगरपालिका–६ स्थित कटैया गाउँमा गएराति करिब पौने १ बजे भोला सदाको घरमा खानतलासी गर्दा ठूलो परिमाणमा गाँजा बरामद भएको हो। घरमा ठूलो परिमाणमा गाँजा लुकाएर राखिएको विशेष सूचनाका आधारमा सशस्त्र प्रहरी बल नेपाल सीमा सुरक्षा गुल्म पातो र नेपाल प्रहरीको संयुक्त टोलीले सदाको घरमा खानतलासी गरेको थियो।