वीरगन्ज भन्सारको जाँच चौकी भित्रै आयातकर्ताका प्रतिनिधि कुटिए, रास्वपा वडा सभापति पक्राउ

वीरगन्जको सिर्सियास्थित एकीकृत जाँच चौकी (आईसीपी) भित्रै आयातकर्ताका प्रतिनिधिलाई कुटपिट गरिएको घटना सार्वजनिक भएको छ। समाचार संकलनका लागि जाँदा समेत सहजै प्रवेश नपाइने आईसीपीभित्रै बाहिरबाट आएका व्यक्तिहरूले आयातकर्ताका प्रतिनिधिलाई कुटपिट गरेको पाइएको हो।

भदौ ३० गते राति आईसीपीमा प्रवेश गरेका प्रकाश साह, अजय साह, विपिन साहलगायत सात–आठ जनाको समूहले फलफूल आयातकर्ताका प्रतिनिधि अरुण यादव र मिथिलेश साहलाई कुटपिट गरेको पर्सा प्रहरीले जनाएको छ।