सामाजिक सञ्जालबाट चरित्रहत्या र धम्की दिएको आरोपमा मनोज मानव पक्राउ

सिरहा । सामाजिक सञ्जालमार्फत विभिन्न व्यक्ति तथा समुदायविरुद्ध भ्रामक, आधारहीन र धम्कीपूर्ण सामग्री सार्वजनिक गरी सामाजिक शान्तिमा खलल पुर्‍याएको आरोपमा सिरहामा मनोज मानव भन्ने मनोज कुमार महतो पक्राउ परेका छन्।

लहान नगरपालिका–२४ का महतोले लामो समयदेखि जिल्लाका उद्योगी, व्यवसायी, जनप्रतिनिधि, पत्रकार, राजनीतिक व्यक्ति तथा राष्ट्रसेवक कर्मचारीलगायत विभिन्न व्यक्ति र समुदायलाई लक्षित गरी तथ्यहीन सामग्री पोस्ट गर्दै आएको जिल्ला प्रहरी कार्यालय सिरहाले जनाएको छ।