एक सय सात ग्रामभन्दा बढी ब्राउनसुगरसहित दम्पत्ती पक्राउ

प्रहरीले ठुलो परिमाणको लागुऔषध खैरो हेरोइन (ब्राउन सुगर) सहित एक दम्पत्तीलाई पक्राउ गरेको छ ।

जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक प्रतित सिंह राठौरका अनुसार लागुऔषध नियन्त्रण ब्युरो शाखा कार्यालय नेपालगन्जबाट गोप्य सूचनाका आधारमा खटिएको विशेष प्रहरी टोलीले नेपालगन्ज उपमहानगरपालिका वडा नं. २ बाट कारोबारमा सङ्लग्न दम्पत्तिलाई एक सय सात ग्रामभन्दा बढी लागुऔषधसहित पक्राउ गरेको हो ।