हाइटीका राष्ट्रपति मोइस हत्याका १८ संदिग्ध अमेरिकी अदालतमा

सन् २०२१ मा हाइटीका राष्ट्रपति जोभेनल मोइसको हत्या प्रकरणमा संलग्न रहेको आरोप लागेका १८ जना संदिग्धलाई मुद्दा चलाउन हाइटीबाट अमेरिकाको फ्लोरिडा पुर्‍याइएको अमेरिकी अधिकारीहरूले बताएका छन् ।

५३ वर्षीय राष्ट्रपति मोइसको सन् २०२१ जुलाई ७ मा राजधानी पोर्ट–अ–प्रिन्सस्थित आफ्नै निजी निवासमा गोली हानी हत्या गरिएको थियो । घटनामा सैन्य तालिम प्राप्त करिब २० जना कोलम्बियाली भाडाका सैनिक संलग्न रहेको बताइएको छ । घटनाका बेला राष्ट्रपतिको सुरक्षा टोलीले उहाँलाई जोगाउन प्रभावकारी भूमिका निर्वाह नगरेको आरोपसमेत लागेको थियो ।