नागरिकको विश्वास र साझेदारीमार्फत सेवा प्रवाह गर्न आइजिपी कार्कीको निर्देशन

प्रहरी महानिरीक्षक (आइजिपी) दानबहादुर कार्कीले नागरिक सँगको विश्वास र साझेदारीलाई प्रहरी कार्यको प्राथमिकतामा राख्दै नागरिकमैत्री प्रहरी सेवामा जोड दिन निर्देशन दिएका छन्।

नेपाल प्रहरी प्रधान कार्यालयमा सोमबार सम्पन्न राष्ट्रिय प्रहरी समन्वय तथा समीक्षा बैठक-२०८३ लाई सम्बोधन गर्दै उनले बदलिँदो सुरक्षा चुनौतीको सामना गर्न प्रहरी र नागरिक बीचको विश्वास तथा सहकार्यलाई थप सुदृढ बनाउनुपर्ने बताएका हुन्।