चौथोपटक प्रधानमन्त्री बन्दै ओली, को–को हुँदै छन् मन्त्री ?

काठमाडौं । नेपाल कम्युनिस्ट पार्टी (एमाले)का अध्यक्ष केपी शर्मा ओली आज (आइतबार) प्रधानमन्त्रीमा नियुक्त हुँदै छन् । राष्ट्रपति रामचन्द्र पौडेलले प्रधानमन्त्रीमा ओलीलाई नियुक्त गर्दै छन् । प्रधानमन्त्रीमा नियुक्त हुन लागेका ओलीले आइतबार नै पद तथा गोपनीयताको शपथ लिनेछन् । शपथलगतै उनले मन्त्रिपरिषद् विस्तार गर्ने र आइतबार नै मन्त्रीहरूले समेत शपथ लिँदै छन् ।

संविधानको धारा ७६ को उपधारा २ बमोजिम प्रधानमन्त्रीमा दाबी पेस गर्न राष्ट्रपतिले शुक्रबार आह्वान गरेपछि एमाले र नेपाली कांग्रेसले सांसदहरूको समर्थनसहित ओलीलाई प्रधानमन्त्रीमा नियुक्त गर्न दाबी पेस गरिसकेका छन् । संविधानको धारा ७६(२) मा प्रतिनिधिसभाका दुई वा दुईभन्दा बढी दल मिलेर सरकार बनाउन सक्ने प्रावधान छ ।