दसैं–तिहार लक्षित १५ बुँदे निर्णय, अग्रिम टिकटदेखि चालकको स्वास्थ्य परीक्षणसम्म

काठमाडौं– आगामी दसैँ, तिहार तथा छठ पर्वलाई लक्षित गर्दै सरकारले सार्वजनिक यातायातको अग्रिम टिकट बुकिङलाई निरन्तरता दिने भएको छ। यातायात व्यवस्था विभागले सरोकारवालालाई पठाएको १५ बुँदे निर्णयमा अग्रिम टिकट बुकिङको व्यवस्था मिलाउने उल्लेख गरेको हो। तर, बुकिङ कहिलेदेखि खुलाउने भन्ने मिति भने विभागले अझै तय गरेको छैन।

विभागले सार्वजनिक यातायात व्यवसायीलाई यात्रुको सहजताका लागि यथासम्भव अनलाइन टिकट बुकिङको व्यवस्था गर्न निर्देशन दिएको छ। यात्रुको परिचय खुल्ने विवरणसहितको चलानी लिएर मात्र सवारी सञ्चालन गर्नुपर्ने व्यवस्था पनि गरिएको छ।