तामझामबिनै राष्ट्रपतिको सवारी

काठमाडौँ — राष्ट्रपति रामचन्द्र पौडेल शनिबार कुमारीको दर्शन गर्न वसन्तपुरतिर सोझिए । जाँदा र फर्कंदा न सडकमा साइरन बज्यो, न अघिपछि कारकेड नै थियो । राष्ट्रपतिलाई सुरक्षा दिन लावालस्कर गाडी थिएनन् । पिलिकपिलिक बत्ती बल्ने सुरक्षाकर्मीका दुई गाडी अघिपछि थिए ।

सडकमा गाडी र सर्वसाधारणको आउजाउ चलिरह्यो । कुमारीघरमा उनी करिब २० मिनेटजति बसे । त्यसपछि सर्वसाधारणलाई हात हल्लाए र उनीहरूकै बीचबाट बाहिरिए ।