अवतरण गर्दा पांग्रा खुस्किएपछि सीता एयरको जहाज दुर्घटना

नेपालगन्ज । डोल्पाको जुफाल विमानस्थलमा सीता एयरको जहाज अवतरण गर्ने क्रममा पांग्रा खुस्किएपछि दुर्घटनामा परेको छ। जिल्ला प्रहरी कार्यालय डोल्पाका प्रवक्ता प्रहरी निरीक्षक पदम रावलका अनुसार जहाज अवतरणका क्रममा पछाडिपट्टिको दायाँ पांग्रा खुस्किएपछि दुर्घटना भएको हो।

पांग्रा खुस्किएपछि जहाज केही पर उछिट्टिएको प्रहरीले जनाएको छ। नेपालगन्जबाट उडेको सीता एयरको ९एन–एजे जहाज बिहान ८:२५ बजे जुफाल विमानस्थलमा अवतरण गर्ने क्रममा रनवेमा दुर्घटनामा परेको जिल्ला प्रहरी कार्यालय डोल्पाले जनाएको छ।