संविधानको पालना र संरक्षण नै मेरो मार्गनिर्देशक सिद्धान्त रहनेछ : नवनिर्वाचित राष्ट्रपति पौडेल

नवनिर्वाचित राष्ट्रपति रामचन्द्र पौडेलले नेपालको राष्ट्रिय एकताको प्रवद्र्धन, स्वाधीनताको रक्षा, संविधानको पालना र संरक्षण गर्ने संवैधानिक जिम्मेवारी नै आफ्नो मार्गनिर्देशक सिद्धान्त रहने स्पष्ट पारेका छन् ।

राष्ट्रपतिमा निर्वाचित भएपछि बिहीबार साँझ विज्ञप्ति जारी गर्दै पौडेलले भनेका छन्, ‘ नेपालको राष्ट्रिय एकताको प्रवद्र्धन, स्वाधीनताको रक्षा, संविधानको पालना र संरक्षण गर्ने संवैधानिक जिम्मेवारी नै मेरो मार्गनिर्देशक सिद्धान्त रहनेछन् ।’